Vjedhje me mashtrim dhe thyerje, dy persona të proceduar në Sarandë dhe Vlorë

Strukturat e Komisariateve të Policisë Sarandë dhe Vlorë kanë vijuar goditjet kundër krimeve ndaj pronës, duke zbardhur disa raste të vjedhjeve në dy qytetet.

Sarandë: Kapet dhe ndalohet 36-vjeçari A.Z i shpallur në kërkim për vjedhje me anë të mashtrimit në një karburant, ngjarje e ndodhur më 22 shkurt 2025, në fshatin Çlirim.

Përveç kësaj, A. Z. banues në Ksamil dyshohet se më 28 shkurt 2025 ka vjedhur një shumë parash në dy subjekte tregtare në Ksamil.

Vlorë: Shpallet në kërkim 37-vjeçari D.B për vjedhje dhe tentativë vjedhjeje.

• Tentativën për vjedhje me forcë në një subjekt tregtar në lagjen “Pavarësia 3” më 25 shkurt 2025.
• Vjedhjen e disa materialeve elektrike në një subjekt tjetër tregtar në lagjen “Pavarësia 2” më 27 shkurt 2025.

Puna për lokalizimin dhe kapjen e tij vijon, ndërkohë që materialet procedurale për të dyja rastet janë referuar për veprime të mëtejshme në prokuroritë përkatëse.

LEXONI GJITHASHTU:

• I kërkuar nga Italia, arrestohet me qëllim ekstradimin 47-vjeçari në Berat
• “Jam paqësor”, flet biznesmeni nga Saranda: Përjetova dhunë të papranueshme