Vjosa Osmani sot në Bruksel, takime me zyrtarë të lartë evropianë për integrimin dhe dialogun

Presidentja në detyrë e Kosovës, Vjosa Osmani nis sot vizitën dyditore në Bruksel ku do të takojë zyrtarë evropianë me të cilët do të diskutojë për dialogun dhe proceset integruese të vendit.

Fillimisht, Osmani do të ketë një takim me presidentin e Parlamentit Evropian, David Sassoli. Osmani, gjithashtu do të takohet edhe me Komisionarin për zgjerim dhe fqinjësi, Oliver Varhelyi.

Gjatë qëndrimit në Bruksel, presidentja në detyrë do të takohet edhe me deputetët e Parlamentit Evropian që janë në Grupin e Miqësisë së Kosovës në Parlamentin Evropian

Ndërkaq, sonte në mbrëmje, ajo do ta ketë një takim me të dërguarin e BE-së për dialogun Prishtinë-Beograd, Miroslav Lajçak.

Ndërkaq nesër, në ditën e dytë të qëndrimit në Bruksel, Osmani do të takohet me presidenten e Dhomës së Përfaqësuesve dhe presidenten e Senatit të Belgjikës.