Vjosa Park Kombëtar, DiCaprio sërish në mbështetje, Meta dhe Basha shpërndajnë videon e tij

Presidenti Ilir Meta dhe kryetari i Partisë Demokratike Lulzim Basha shpërndanë sot në rrjetet sociale një video të publikuar nga aktori i njohur amerikan Leonardo DiCaprio i cili mbështet propozimin për ta kthyer në park kombëtar lumin e Vjosës.

Meta e shpërndau videon me mbishkrim falënderues ndaj aktorit, njëherësh aktivist mjedisor duke theksuar se “ne do ta mbrojmë gjithmonë Vjosën”.

“Jemi të vendosur, deri më 25 prill, të mos lejojmë në mënyra demokratike asnjë vendim arbitrar për ndërtim hidrocentralesh në lumin Vjosa”, – shkroi më tej Meta.

 

View this post on Instagram

 

A post shared by Leonardo DiCaprio (@leonardodicaprio)

Ndërkohë kryetari i PD-së Basha, nuk shoqëroi me mbishkrime konkrete, ndërsa ky postim i DiCaprios ishte pas protestave të zhvilluara në disa vende të Evropës në thirrje ndaj qeverisë dhe Komisionit Evropian për të mbështetur idenë e shpalljes së Vjosës Park Kombëtar.

Emisioni “Me pak fjalë” në Euronews Albania i kushtoi një vëmendje të veçantë kësaj çështjeje duke sjellë një përmbledhje të projekteve të propozuara për hidrocentrale, analizën nëse ka përfitime konkrete nga shoqëria apo jo prej tyre dhe qëndrimit nga komuniteti shkencor.

Lexoni gjithashtu:

Protestë tek sheshi ”Nënë Tereza”, aktivistë dhe ambientalistë kërkojnë që lumi Vjosa të shpallet Park Kombëtar

Rëndësia e ruajtjes së Vjosës, një nga lumenjtë e fundit të egër në Evropë

Ndërtimi i HEC-eve mbi Vjosë, më shumë kosto financiare se sa përfitime

EcoAlbania apel politikanëve: Keni në dorë fatin e Vjosës, të shpallet park kombëtar