Zëdhënësi i Kremlinit, Dmitry Peskov i ka konsideruar të rreme raportet sipas të cilave presidenti rus, Vladimir Putin ka probleme shëndetësore.

Pyetur gjatë një konference me gazetarët këtë të enjte, Peskov u shpreh se Putin ndodhet në gjendje shumë të mirë shëndetësore, shkruan CNN.

Putin kishte simptoma të tilla si ftohje gjatë vizitës së tij në Teheran të martën dhe kollitej gjatë takimeve,por sipas tij kishte të bënte me klimën e nxehtën të kryqytetit të Iranit dhe ajër të kondicionuar në ambientet e zyrave.

“Dje ishte shumë nxehtë në Teheran, mbi 38 gradë dhe ajri i kondicionuar ishte i ndezur gjatë gjithë kohës, kështu që kërkoj falje”, tha Putin gjatë një video-konference të mërkurën.

Lidhur me këtë ka reaguar edhe drejtori i CIA-s, William Burns.

“Ka shumë thashetheme për shëndetin e Presidentit Putin dhe me sa mund të themi, ai është shumë i shëndetshëm,” tha ai.

LEXONI GJITHASHTU

• A është Putin sëmurë? Përgjigjet shefi i CIA-s
• Putin vizitë në Teheran, bisedime me presidentin iranian dhe turk për sigurinë