Vllaznia kampione për herë të 13-të radhazi, mposht Apoloninë në finalen e vajzave

29 Maj 2026 | 21:57

Vllaznia është shpallur kampione e Shqipërisë për sezonin 2025-2026 në kampionatin e futbollit të vajzave, pasi mposhti Apoloninë me rezultatin 2-0 në finalen e luajtur pasditen e kësaj të premteje në stadiumin “Selman Stërmasi”.

Skuadra shkodrane konfirmoi edhe një herë dominimin në futbollin e femrave, duke siguruar titullin e 13-të radhazi kampion. Finalja nisi me ritëm të lartë dhe raste nga të dyja skuadrat, por ishte kapitenia Megi Doçi ajo që zhbllokoi sfidën në pjesën e parë, duke i dhënë avantazhin Vllaznisë pas një 45-minutëshi të luftuar.

Në pjesën e dytë, Apolonia provoi të rikthehej në lojë dhe të gjente golin e barazimit, por vajzat kuqeblu administruan mirë rezultatin. Në minutën e 81-të, Teresa Deda realizoi golin e dytë, duke vulosur fitoren dhe titullin kampion për ekipin shkodran.

Pas përfundimit të takimit u zhvillua ceremonia e dorëzimit të medaljeve dhe trofeut ku Zëvendëspresidenti i FSHF-së, Lutfi Nuri, si dhe anëtarja e Komitetit Ekzekutiv të FSHF-së, Anila Basha, i dorëzuan medaljet dhe kupën ekipit kampion.

Falë rritjes së koeficientit të Shqipërisë në UEFA, futbolli i femrave shqiptar do të përfaqësohet këtë sezon me dy skuadra në UEFA Women’s Champions League.

Vllaznia, si kampione e vendit, do të garojë në “Champions Path”, ndërsa Apolonia, e renditur në vendin e dytë, do të marrë pjesë në “League Path” ndërsa të dyja ekipet do ta nisin aventurën europiane nga raundi i dytë kualifikues.

Home Kryefaqja
Shiko në: YouTube
Lajme të Sugjeruara

“Metamorfoza”, GJKKO dënon me 6 vite burg biznesmenin Pëllumb Gjoka dhe me 5 vite ish-shefin e Policisë Ardit Hasanbegaj

Gjykata e Posaçme kundër Korrupsionit dhe Krimit të Organizuar (GJKKO) ka shpallur vendimin për biznesmenin Pëllumb Gjoka dhe ish-shefin e Policisë, Ardit Hasanbegaj, në kuadër...
15:20 | 18/06/2026

I akuzuar si pjesë e grupit të Luçiano Kuçekut, vetëdorëzohet në polici Erjon Rama

Është vetëdorëzuar në Policinë e Tiranës Erjon Rama, i cili akuzohet nga SPAK për pastrim parash si pjesë e grupit të Luçiano Kuçekut. Ndaj Ramës,...
15:16 | 18/06/2026

Rama reagon për amendamentin e PE-së: Nuk ka lidhje me Zvërnecin por me Nartë-Vjosën

Kryeministri Edi Rama ka reaguar lidhur me amendamentin e Parlamentit Europian, duke sqaruar se ai nuk ka lidhje me Zvërnecin apo me peizazhin e mbrojtur...
14:43 | 18/06/2026