Aleksandro Lazaj dhe Kristjan Lazaj u arrestuan ditën e sotme në Tiranë pasi vodhën një shumë parash në një karburant.
Policia bën me dije se dy autorët në bashkëpunim me njëri-tjetrin, më datë 09.12.2023, rreth orës 01:40, janë afruar në një karburant në Selitë, dhe Aleksandro Lazaj, ka zbritur nga automjeti. Sakaq Kristjan Lazaj është afruar për të furnizuar automjetin me karburant, ndërsa Aleksandro i ka vjedhur me dhunë punonjësit të karburantit, xhiron ditore.
Policia publikoi pak më parë dhe pamje nga momenti i grabitjes.
Në cilësinë e provës materiale u sekuestruan një mjet prerës thikë, një përforcues grushti, veshjet dhe automjeti që autorët e dyshuar kanë përdorur për të kryer krimin.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme.
LEXONI GJITHASHTU:
- A po e porosisin hakmarrjen në burg ndaj vrasësve të Liridonës? Përgjigjet eksperti
- Vidhet karburanti në Tiranë, pamjet kur persona me kapuç kërcënojnë punonjësin
