Vodhi dhurata nën pemën e Krishtlindjeve të De Niro, arrestohet gruaja në Nju Jork

Policia e Nju Jorkut arrestoi sot një grua teksa po vidhte dhuratat poshtë pemës së Krishtlindjes së Robert De Niros, pasi hyri në banesën e aktorit të famshëm të Hollivudit.

Mëngjesin e së hënës, oficerët e policisë panë një person femër duke hyrë në bodrumin e një ndërtese në East 65th Street, në një pjesë luksoze të Nju Jorkut – Upper East Side, ku gjetën gjithashtu shenja të hyrjes me forcë njoftoi Reuters.

Hajdutja u kap në banesën e De Niros teksa po mbushte një çantë me dhurata poshtë pemës së Krishtlindjes.

Shtohet se aktori 79-vjeçar ka qenë në atë moment në shtëpi dhe ka zbritur në katin e poshtëm kur ka dëgjuar zhurmë.

Sipas raporteve të policisë, gruaja në fjalë është një 30-vjeçare e njohur për vjedhje.

LEXONI GJITHASHTU:

• “Rama i tregoi SHBA-ve vijën e kuqe”, Spahiu: Ka një marrëveshje të heshtur
• Ngjela: Kreu i SPAK është vendosur nga SHBA-ja që financon