Ngjela: Kreu i SPAK është vendosur nga SHBA-ja që financon

Avokati Spartak Ngjela tha në studion e Euronews Albania se drejtuesi i SPAK është vendosur dhe shpalosja e platformave sot nga kandidatët nuk ndikon në votimin e sotëm.

Ai nënvizoi se kreun e SPAK e zgjedh SHBA-ja, e cila financon strukturën e posacçme.

“Platforma e tyre nuk ndikon në vota, ata do jenë zgjidhur. SPAK e drejton Uashingon dhe nuk diskutohet kjo. Ambasadorja tha që SPAK është i trembur nga presionet dhe i blerë. I dinë të gjitha ata, do ta vënë gishtin ata se kë do zgjedhin. Amerika harxhon miliarda, normal që e drejton ajo SPAK”, u shpreh Ngjela.

Avokati komentoi edhe reagimet e kryeministrit Edi Rama për zgjedhjen e SPAK, ku tha se kreu i qeverisë tregoi që ka frikë.

“Rama bëri gabim, tregoi që kam frikë. Sjellja e Ramës tregoi që ka frikë. Fakti që ndërhyri tregoi që është i trembur”, u shpreh Ngjela.

LEXONI GJITHASHTU:

• Tonin Vocaj emërohet drejtori i Policisë së Tiranës
• Lëvizjet në Polici, Muhamet Rrumbullaku takim me shefat në Drejtorinë e Tiranës
• A do ketë ndryshime në policinë e Tiranës? Përgjigjet drejtori Lorenc Panganika