Lëvizjet në Polici, Muhamet Rrumbullaku takim me shefat në Drejtorinë e Tiranës

Kreu i Policisë së Shtetit, Muhamet Rrumbullaku mesditën e sotme ndodhet në ambientet e Drejtorisë së Policisë Tiranës, ku po zhvillon një takim me shefat e sektorëve dhe shefat e komisariateve të Tiranës.

Pritet që të ketë lëvizje në Policinë e Shtetit.

Bashkë me Rrumbullakun në Drejtorin e Policisë Tiranë është edhe zv.drejtori i Përgjithshëm, Tonin Vocaj. Për këtë të fundit qarkullojnë zëra se mund të emërohet në krye të policisë së kryeqytetit.

Një ditë më parë për Euronews Albania Drejtori i Policisë së Tiranës, Lorenc Panganika tha se nuk ka zyrtarisht asnjë urdhër për largimin e tij nga detyra.

“Jam në detyrë, nuk kam asnjë urdhër zyrtarisht”, u shpreh ai.

Panganika drejton policinë e Tiranës që nga tetori i vitit 2021, kur drejtori i atëhershëm Gledis Nano emëroi krerët e rinj të policisë në qarqe.

LEXONI GJITHASHTU:

• A do ketë ndryshime në policinë e Tiranës? Përgjigjet drejtori Lorenc Panganika
• Drejtori i Policisë së Tiranës: Jemi telefonuar nga drejtues të PD-së