Vodhi përmes mashtrimit 140 mijë € në ‘exchange’, deportohet në Shqipëri gjeorgjiani

Në kuadër të operacioni të përbashkët mes policisë shqiptare dhe asaj turke të koduar “TRACKING”, u kap në Stamboll dhe u deportua në Shqipëri shtetasi gjeorgjian Kakha Joua, i dyshuar për kryerjen e veprës “Mashtrim”, kryer në bashkëpunim.

Policia tha se ky shtetas në bashkëpunim me dy të tjerë, kanë mashtruar pronarin e një pike të këmbimit valutor në Shkodër, duke i marrë 140 000 euro.

Në vijim të veprimeve, janë shpallur në kërkim edhe dy autorët e tjerë të dyshuar, shtetasit gjeorgjianë 45 vjeç dhe 36 vjeç.

“Më datë 09.08.2024, rreth orës 18:00, në sheshin Zdrale, Shkodër, këta shtetas, nëpërmjet mashtrimit, i kanë marrë pronarit të një pike të këmbimit valutor, shtetasit E. I., shumën prej 140 000 euro dhe më pas janë larguar menjëherë nga Shqipëria.

Si rezultat i veprimeve intensive hetimore të kryera nga Sektori për Hetimin e Krimeve Ekonomike dhe Financiare në DVP Shkodër, pas kallëzimit nga pronari i një exchange, se 3 shtetas e kishin mashtruar në exchange, duke i marrë një shumë parash në euro, u bë i mundur identifikimi i 3 autorëve të dyshuar”, bëri me dije policia.

LEXONI GJITHASHTU:

• EMRI| Vodhi 900 mijë lekë në banesën në Tiranë, arrestohet 30-vjeçari
• Vodhi një banesë e tentoi të kryente vjedhje të tjera, arrestohet laçjani në Shkodër