Presidenti ukrainas, Volodymyr Zelenskiy tha të premten se Ukraina nuk do të ishte ndalesa e fundit e presidentit rus Vladimir Putin, duke nënkuptuar se Rusia do të kërkojë pushtimin e shteteve të tjera.
Volodymyr Zelensky deklaroi se është jetike që Perëndimi të mos vononte dërgesat e armëve për të ndihmuar në zmbrapsjen e forcave ruse, shkruan Reuters.
Udhëheqësi ukrainas, i cili foli në Konferencën e Sigurisë së Mynihut përmes video-lidhjes, u shpreh se ndërsa Perëndimi po negocionte furnizimet me tanke për Kievin, Kremlini po mendonte mënyra për të “mbytur” ish-republikën sovjetike të Moldavisë, e cila shtrihet në perëndim të Ukrainës.
“Është e qartë se Ukraina nuk do të jetë ndalesa e tij e fundit. Ai do të vazhdojë lëvizjen e tij gjatë gjithë rrugës, duke përfshirë të gjitha shtetet e tjera që në një moment në kohë ishin pjesë e bllokut sovjetik,” tha Zelensky.
Ai i kërkoi Perëndimit që të bëjë më shpejt dërgesat e armëve.
LEXONI GJITHASHTU
- Gjermania do të dërgojë në Ukrainë “gjysmë batalioni” tanke
- Austria dhe Gjermania pezullojnë operacionet e shpëtimit në Turqi
- Jo vetëm Gjermania, një tjetër shtet evropian dërgon tanke Leopard 2 në Ukrainë
