Vota e emigrantëve, Meta: Vendimi i Komitetit, antikushtetues dhe diskriminues

Presidenti Ilir Meta gjatë një konference të jashtëzakonshme e ka quajtur vendimin e  Komitetit Teknik të Ekspertëve për karantinën dy javore për emigrantët nga Greqia dhe qytetarët nga RMV-ja,  një akt babar që nuk i lejon qytetarët që të votojnë.

“Ndalimi i votimit të emigrantëve tanë nga Greqia në zgjedhjet e 25 prillit përbën një akt të dhunshëm, barbar dhe diskriminues dhe anti-kushtetues të ndalimit të së drejtës në Kushtetutë për të zgjedhur dhe t’u zgjedhur, që duhet ta gëzojë çdo shtetas në moshën 18-vjeç”, u shpreh kreu i shtetit.

Ai shtoi se “arsyetimi i ndalesës dhe diskriminimit të mijëra bashkatdhetarëve tanë për të marrë pjesë në votime për shkak të pandemisë është një pretekst fals i pabazuar shkencërisht, absurd dhe një përdorim për përfitime elektorale”.

Dy ditë më parë  Komitetit Teknik i Ekspertëve  vendosi që personat që do të vijnë nga Maqedonia e Veriut dhe Greqia, do të vendosen në karantinë 2 javore.

Kjo masë do të jetë në fuqi deri më 3 maj.

Lexoni gjithashtu:

Incidenti me banderolat në Fier, Meta këshillon LSI-në të tolerojë situatën

Nga nesër, karantinë 2-javore për udhëtarët nga RMV-ja dhe Greqia, gjimnazistët rikthehen në klasa