Votim elektronik te njësia 10, qendra e bllokuar prej 45 minutash

Gazetari i Euronews Albania, Ardit Hoxha ishte në njësinë numër 10, aty ku dhe do të vihet në zbatim për herë të parë projekti pilot i votimit elektronik. Ai raportoi se në këtë qendër janë hasur probleme, gjë që ka sjellë dhe bllokimin e saj prej më shumë se 45 minutash.

Shkak kryesor i këtij problemi është bërë bllokimi i printerit i cili pamundëson vijueshmërinë e procesit të votimit.

Gazetari Hoxha sqaroi se në shkollën “Dora Distria”, ka pasur probleme konkretisht në qendrën e votimit 1981, ku shpjegoi dhe më detajisht si po vijon procesi i votimit.

Siç raportoi dhe gazetari i Euronews Albania në hyrje të hollit të shkollës  është vendosur një pajisje e votimit dhe numërimit elektronik dhe janë persona përkatës që dinë se si funksionon ky proces që qëndrojnë në gatishmëri për t’ju shpjeguar më shumë qytetarëve rreth votimit.

LEXONI GJITHASHTU: 

• Problemet me pajisjen e identifikimit biometrik vonojnë nisjen e votimit në disa qarqe
• Voton kryeministri i Kosovës, Albin Kurti: Shqiptarët ta respektojnë sot atdheun
• Policia e Shtetit dorëzon të gjitha qendrat e votimit, nuk raportohet asnjë problem