Voton Agron Shehaj: Sot është dita kur zëri juaj do dëgjohet, votoni ndryshimin

Kreu i Partisë Mundësia Agron Shehaj i shoqëruar nga bashkëshortja e tij votoi rreth orës 11:20 te qendra e votimit në shkollën “Dëshmorët e lirisë”.

Në një prononcim të shkurtër për mediat, Shehaj theksoi sot është dita kur zëri i qytetarëve do të dëgjohet dhe inkurajoi pjesëmarrje në votime për të sjellë ndryshimin.

“Sot është një ditë e rëndësishme se kemi mundësi të votojmë për të ardhmen. Sot dëgjohet zëri i qytetarëve, për 4 vitet e ardhshme pushteti nuk ka për t’i dëgjuar më qytetarët. Ndaj është rëndësishme të votojmë për ndryshimin, të votojmë për të ardhmen”, tha Shehaj.

LEXONI GJITHASHTU:

• De Biasi voton në Shqipëri: Ushtroni të drejtën që ju jep demokracia
• Voton Presidenti Bajram Begaj, apeli për qytetarët: Shprehni lirisht vullnetin