Voton kryeministri Rama: Zbrisni në fushë dhe gjuani votën tuaj

“Zbrisni në fushë, gjuani penalltinë tuaj dhe në fund fitoftë më i miri,” – kjo ishte thirrja e kryeministrit Edi Rama pasi votoi në shkollën “Ymer Lala” në Surrel së bashku me bashkëshorten e tij.

Në deklaratën për media ai tha se sot është një ditë e bukur ku askush nuk duhet të ushqejë asnjë ndjenjë negative ndaj atyre që me anë t votës së tyre shprehin opinionin.

Kryeministri bëri thirrje se askush nuk duhet të harrojë se jemi një familje e madhe në të njëjtin atdhe, ndërkohë që theksoi se demokracia duhet shfrytëzuar maksimalisht.

Mos ta harrojmë sot dhe asnjëherë se jemi një familje e madhe në të njëjtin atdhe dhe nga ana tejtër askush mos të harrojë se demokracia është  një sport pa spektator dhe secili duhet të zbresë vetë në fushë dhe të gjuajë me votë,” – tha Rama.

LEXONI GJITHASHTU: 

• Ambasadorja Kim në Shkodër: Votoni të lirë dhe larg çdo ndërhyrjeje, është dita juaj
• Meta niset drejt Elbasanit: I kërkova ambasadorit Soreca ta përqendrojmë vëmendjen, ka rrezik për incidente
• Të moshuarit, probleme me shenjat e gishtave gjatë votimit në Vlorë