Vranë dhe groposën babain, dalin sot në gjykatë tre fëmijët: Akuzat për secilin

Mesditën e kësaj të hëne pritet të dalin përpara gjykatës së Durrësit, tre fëmijët e arrestuar për vrasjen e baban të tyre në fshatin Shën Vlash.

Prokuroria ka kërkuar masën e sigurisë “Arrest me burg” për Hygerta Metën, Hysen Metën dhe Amaralido Metën.

Vajza e familjes dhe djali i madh Hyseni akuzohen për 3 vepra penale, pasi sipas akuzës janë pesonat që ideuan dhe realizuan planin e vrasjes.

Ndërkohë që vëllai i vogël akuzohet vetëm për veprën penale veprime që pengojnë zbardhjen e së vërtetës, për shkak se ndihmoi në transportimin e makinës për të përforcuar alibinë e zhdukjes.

“Janë bërë të ditura veprat penale që rëndojnë mbi tre të akuzuarit. Ajo e “Vrasjes për shkak të marrrëdhënieve familjare e kryer në bashkëpunim”, “Mbajtja pa leje dhe prodhimi i armëve shpërthyese dhe municioneve, “Fshehja ose asgjësimi i kufomës”, do të jenë tre veprat penale që do të rëndojnë mbi vajzën dhe djalin e madh të familjes.

Mbi djalin e vogël të familjes Amaralido Metën, 22-vjeç, do të rëndojë akuza për “Veprime që pengojnë zbulimin e të vërtetës’.

Hetimet kanë zbuluar se djali i madh i familjes kanë qenë bashkëpunëtor për ideimin e një plani për vrasjen e babait të tyre”, tha gazetarja e Euroneës Albania Kloida Gjuzi.

Kujtojmë se në ceremoninë e varrimit të Pëllumb Metës, ka marrë pjesë vetëm vajza e madhe e familjes, e martuar në Krujë, ndërsa 2 vëllezërit e saj dhe motra ndodhen pas hekurave, të akuzuar për vrasjen e planifikuar të të atit.

Pjesë e ceremonisë mortore nuk ishte as ish-bashkëshortja e të ndjerit, e cila është marrë në mbrojtje nga policia e Durrësit.

Kjo e fundit i trembej ndonjë konflikti të mundshëm mes vëllezërve të Pëllumbit dhe kunatës së tyre, prandaj e ka shoqëruar deri në familjen e babait të saj në Laç.

Në një deklaratë për mediat, drejtori i policisë së qarkut Durrës, Skënder Hitaj tha se Pëllumb Meta u qëllua më datë 10 shkurt nga djali i madh i familjes me 4 plumba nga një pistoletë model 54.

Ai i tha grupit hetimor se e kishte planifikuar vrasjen bashkë me motrën Hygerta Meta 19 vjeç, ndërsa vëllai tjetër 22-vjeçar ndihmoi në fshehjen e kufomës.

LEXONI GJITHASHTU:

• Vetëm një prej fëmijëve u lejua në varrim, dëshmitë dhe dinamika e vrasjes së Metës
• Durrës/ I përfshirë në vrasjen e babait, arrestohet djali i viktimës (Emri)
• Të afërmit e viktimës në Durrës sulmojnë gazetarët, tentojnë t’u marrin kamerën