Vrasja e 35-vjeçares, kardiokirurgu: Lëshoni karriget, do turpërohemi edhe n’varr

Vrasja e 35-vjeçares shtatzënë në repartin e Gjinekologjisë nga ish-bashkëshorti ka sjellë reagime të shumta nga qytetarët, politika por edhe vetë nga bluzat e bardha.

Së fundmi, një kardiokirurg nga QKUK-ja ka dënuar rastin në fjalë, ndërsa ka bërë thirrje që shumë persona duhet të kërkojnë falje publike e të japin dorëheqjen.

Leonard Bytyqi, në një postim që ka bërë në rrjetet sociale, shkruan se ai personalisht është i gatshëm të japë dorëheqjen.

“Sonte, plot prej nesh duhet me dalë të kërkojnë falje publike dhe me dhanë dorëheqje. Dikush duhet me kallzu që na ende kemi ndjenja, dikush duhet me kallzu që mërzitet për banorët e vet që po vriten para turinjve.

Na kemi dështuar komplet, si shtet, si shoqëri, si individ dhe si burra. Unë jam i gatshëm me dhanë dorëheqje prej QKUK-së, prej Universitetit, edhe pse kjo ngjarje e kobshme s’lidhet me punën tonë direkt, por lidhet me shpirtin dhe ndjenjën që gudulliset e na nxen frymën. Hajdeni lëvizni, mos vajtoni, se gjama e fcb-it ju zgjat dy ditë.

Statuse t’leshit, forca e ligjit asht goditja ma e ranë për kriminelët e lehtësim për familjarët. Boll vajtuat pshurrana, lëshoni karriget, ikni prej atyne 2 grosh vota që keni me i marr mas 1 viti, e ndjera ishte nën urdhër mbrojtjeje. Mane n’mend, kena me u turpnue edhe n’varr.”- shkruan ai.

35-vjeçarja, Hamide Magashi, u qëllua për vdekje mbrëmë nga ish bashkëshorti i saj Sokol Halili, 31 vjeç, në oborrin e maternitetit të Prishtinës. Viktima ishte shtatzënë në ditën e fundit të saj të shtatzënisë, kur bashkëshorti i saj e vrau në orën 18:00.

LEXONI GJITHASHTU: 

• “Benz-i” përplas këmbësorin, plagoset 75-vjeçari në Vlorë
• Vrasja e 35-vjeçares, gazetari: Kishte 3 patrulla policie aty ku autori kreu krimin
• Emri/ Kjo është gruaja shtatzënë që u vra nga ish-bashkëshorti në Kosovë