Vrasja e Andi Malokut, dështon sërish procesi gjyqësor ndaj dy të akuzuarve

Dështon për të disatën herë procesi gjyqësor ndaj Redjan Rrajës dhe Arjol Halilajt, të akuzuar për atentatin e 1 nëntorit 2019, ku mbeti i vrarë Andi Maloku, i plagosur Aleksandër Laho dhe prokurori i Durrësit, Arjan Ndoja.

Për të paktën 5 seanca dështon hapja e shqyrtimit të dosjes në Gjykatën e Posaçme, ku shpesh shkak është bërë mbrojtja.

Gazetari i Euronews Albania Merin Maçi raporton se këtë herë Redjan Rraja kishte zgjedhur një tjetër avokat, i cili kërkoi kohë të njihej me dosjen.

Mësohet se seanca e radhës pritet të zhvillohet në datën 15 qershor, ora 10:00.

Ndaj Redjan Rajës dhe Arjol Halilajt rëndojnë veprat penale: vrasja e funksionarëve publikë, vrasja në rrethana të tjera cilësuese, mbajtja e armëve pa leje, vjedhje dhe për grup të strukturuar kriminal.

Pak javë më parë ishin familjarët e Andi Malokut, shoferit të vrarë, të cilët kërkonin dëmshpërblim financiar nga dy personat e akuzuar.

LEXONI GJITHASHTU:

Familja e Andi Malokut kërkon dëmshpërblim financiar nga Redjan Rraja dhe Ariol Halilaj

GJKKO kalon për gjykim dosjen për atentatin ndaj prokurorit Arjan Ndoja

Atentati ndaj prokurorit, shtyhet në GJKKO seanca për Redjan Rrajën dhe Ariol Halilajn