Vrasja e biznesmenit në Elbasan/ Gjendet një makinë e djegur, dyshohet e autorëve
Një makinë e djegur, tip “Audi”, është gjetur në afërsi të fshatit Mirakë, në aksin rrugor Elbasan–Librazhd ndërsa brenda saj është konstatuar një armë zjarri, pistoletë tip Beretta.”
Dyshohet se automjeti dhe arma janë përdorur nga autorët e vrasjes së biznesmenit Mondi Mëhalla alias Edmond Hyka 43 vjeç, mbrëmjen e së dielës në Elbasan.
Të paktën 10 persona janë shoqëruar dhe po merren në pyetje për të hedhur dritë mbi rrethanat e krimit.
Mëhalla dyshohet të jetë qëlluar nga dy persona që lëviznin me një automjet tip ‘Audi’ ndërsa policia po verifikon nëse makina e djegur, e gjetur në Mirakë, është përdorur nga ekzekutorët për të zhdukur gjurmët.
Kujtojmë se ngjarja ndodhi mbrëmjen e së dielës kur 43-vjeçari u qëllua sapo kishte dalë nga zyra pranë karburantit të tij “Xhaxhi Oil” në Elbasan.
Sapo është futur në automjetin “Range Rover”, autorët e kanë qëlluar disa herë me pistoletë, ndërsa dy prej plumbave e kanë goditur në kokë.
Ndërkohë, Drejtoria e Përgjithshme e Policisë ka ngritur një grup të posaçëm hetimor, i cili po punon intensivisht për shqyrtimin e pamjeve filmike të zonës dhe mbledhjen e provave të tjera materiale.
Hetimet vijojnë në disa pista paralelisht, ndërsa operacioni policor në terren mbetet në zhvillim ndërsa autorët e atentatit mbeten ende të paidentifikuar.
LEXONI GJITHASHTU:
Kryefaqja
Protestuesit ritheksojnë kërkesat: Dorëheqja e Ramës dhe qeveri teknike
Berisha: PD bën thirrje për çdo shqiptar të mbështesë ndryshimin
Dita e 26-të e protestës në Tiranë, aktivistët dhe qytetarët nisin marshimin drejt Kryeministrisë
- 20:04 Rritet ndjeshëm trafiku detar në Ngushticën e Hormuzit, niveli më i lartë pas luftës SHBA-Iran
- 20:04 Protestuesit ritheksojnë kërkesat: Dorëheqja e Ramës dhe qeveri teknike
- 19:58 Berisha: PD bën thirrje për çdo shqiptar të mbështesë ndryshimin
- 19:50 Dita e 26-të e protestës në Tiranë, aktivistët dhe qytetarët nisin marshimin drejt Kryeministrisë
- 19:43 Parlamenti spanjoll i bën thirrje Sanchez të japë dorëheqjen për shkak të skandaleve të korrupsionit
- 19:43 Meteorologët: 2027-a pritet të jetë vit edhe më i nxehtë për shkak të El Nino-s, efektet ndihen dhe në Shqipëri