Vrasja e biznesmenit në Elbasan, mbërrijnë në Gjykatë Xhino Ago dhe Kujtim Pisha

Mbërrijnë në Gjykatën e Elbasanit, Xhino Ago dhe Kujtim Pisha ku do iu caktohet masa e sigurisë si bashkëpunëtorë në vrasjen e biznesmenit Mondi Mëhalla në Elbasan.

Xhino Ago, ortaku i viktimës akuzohet për veprat penale “Vrasje me paramendim”, kryer në bashkëpunim ndërsa Kujtim Pisha, roja i Karburantit të Mëhallës akuzohet për “Moskallëzim i krimit”.

Sipas njoftimit zyrtar, për këtë çështje prokuror do të jetë Gjergji Ceka ndërsa gjyqtar për masat e sigurimit Elis Dine. Seanca do të mbahet me dyer të mbyllura, për shkak të natyrës së hetimeve dhe nevojës për ruajtjen e sekretit hetimor.

Ndërkohë, lidhur me Nevzat Spahon, po ashtu i prangosur, nga verifikimet në sistemin e menaxhimit të çështjeve gjyqësore nuk rezulton që Prokuroria e Elbasanit të ketë depozituar një kërkesë për caktimin e masës së sigurimit.

“Sipas sistemit, pranë Gjykatës së Shkallës së Parë të Juridiksionit të Përgjithshëm Elbasan është regjistruar kërkesa e Prokurorisë për masat e sigurimit për shtetasit Xh. A dhe K. P., me objekt “Vlerësim arresti në flagrancë, caktim masë sigurimi”, për të cilat është caktuar seanca më datë 05.12.2025, ora 10:00.

Në lidhje me kërkesën për shtetasin Nevzat Spaho, nga verifikimi në sistem nuk rezulton të jetë depozituar ndonjë kërkesë nga Prokuroria lidhur me këtë ngjarje.Seanca do të zhvillohet me dyer të mbyllura”, thuhet në njoftim.

LEXONI GJITHASHTU:

• Orban: Në ditët në vijim vendoset nëse lufta nga Ukraina do përhapet në Evropë
• 180 pasagjerë në panik në Brazil, mjeti i ngarkimit të bagazheve në avion merr flakë