Vrasja e Gentjan Bejtjas, kapet në Orikum i shumëkërkuari “Pole Qorri”

Policia e Vlorës ka vënë në pranga Flodian Plakun, person i dyshuar për përfshirje në vrasjen e Gentjan Bejtes. Arrestimi u bë në zonën e Orikumit, ku Plaku u kap në flagrancë duke mbajtur me vete dy armë zjarri.

Operacioni u drejtua nga zëvendësdrejtori i krimeve të rënda pranë Drejtorisë Vendore të Policisë Vlorë.

Flodian Plaku, i njohur edhe me nofkën “Qorri” ose “Pole”, dyshohet se ka pasur rol të drejtpërdrejtë në ngjarjen e rëndë kriminale.

Akuzat e ngritura ndaj tij, për përfshirjen në këtë atentat janë provuar përmes gjetjes së ADN-së së tij gjatë procesit hetimor.

41 vjeçari ishte shpallur në kërkim ndërkombëtar dhe dyshohej se fshihej në Dubai.

Policia vijon hetimet për zbardhjen e plotë të rrethanave dhe identifikimin e bashkëpunëtorëve të mundshëm

Flodian Plaku, një prej katër atentatorëve të vrasjes së Bejtjas, njihet gjithashtu edhe me dy mbiemra të tjerë, Mamo dhe Serjani.

Gentian Bejtja, një nga emrat më të njohur të policisë në zonën e Fushë Krujës, është ekzekutuar në mars të vitit të shkuar, në një atentat me armë zjarri brenda oborrit të shtëpisë së tij në Larushk.

Dyshohet se autorët pasi kanë rënë në gjurmët e Gentjan Bejtjas, kanë qëlluar me 4 automatikë kallashnikov.

LEXONI GJITHASHTU:

• Gjykata e Tiranës kalon për gjykim dosjen e autorëve të vrasjes së Gentjan Bejtjas
• AND-ja provoi përfshirjen në vrasjen e Gentjan Bejtjas, del fotoja e “Pole Qorrit”