Mark Antony Samson , 23-vjeçar, rrëfeu vrasjen e ish-të dashurës së tij Ilaria Sula , studentes me origjinë Umbriane e vrarë në Romë, ai deklaroi se nuk e kishte planifikuar krimin. Samson e dha dëshminë gjatë marrjes që zgjati mbi pesë orë, para gjykatësit hetues.

Prokurorët e akuzojnë të riun për vrasje të rëndë me dashje dhe fshehje të kufomës pasi ka tentuar të heqë qafe trupin e Ilarisë. Ai fillimisht ka futur trupin e saj brenda një valixheje e më pas e ka hedhur në luginë.

“Ilarian e vrava në mëngjesin e 26 prillit”. Samson më pas, reflektoi për lapsusin dhe raportoi se Ilaria u vra në mëngjesin e 26 marsit pasi kaluan natën bashkë.

I dyshuari shpjegoi se e reja kishte shkuar në banesën në Via Homs, në lagjen afrikane, në mbrëmjen e datës 25 për t’i kthyer disa nga rrobat e tij.

E reja, sërish sipas ish-it, qëndroi deri vonë në mbrëmje dhe për këtë arsye preferoi të flinte me ish-in për të shmangur transportin publik.
Sipas djalit, të dy së fundmi i kishin dhënë fund një lidhjeje që kishte vazhduar prej disa muajsh me ulje-ngritje.

“Unë i bëra të gjitha vetë”, u shpreh 23-vjeçari filipinez. Ndërsa në pyetjet e gjyqtarit hetues për rolin e prindërve ai ushtroi të drejtën për të mos u përgjigjur.

Djali tha se e ngarkoi trupin në makinë, pasi e mbylli në një valixhe, duke e braktisur në një luginë. 23-vjeçari pohoi gjithashtu se kishte pastruar vendin e sulmit.

LEXONI GJITHASHTU:

• Babai i Ilarias tregon takimin me vrasësin e vajzës në polici: U shpreh i pikëlluar
• “Janë toksike”, eksperti rendit rreziqet shëndetësore nga pesticidet në luleshtrydhe