Vrasja e vëllezërve Haxhia në Durrës, arrestohen dy persona të tjerë

Policia ka arrestuar dy persona të tjerë për vrasjen e dy vëllezërve Haxhia në Durrës, ngjarje e ndodhur në muajin prill të vitit të kaluar.

Gazetari i Euronews Albania, Eni Ferhati raporton se janë arrestuar Besian Xhixha dhe Enver Diva.

Për këtë ngjarje është në kërkim edhe Talo Çela, personi më i kërkuar në Shqipëri, i cili nga arratia ka mohuar akuzat duke deklaruar se vëllezërit Haxhia i kishte miq.

Madje, Çela ka treguar se në momentin që ka ndodhur ngjarja e rëndë është ishte strehuar në banesën e dy vëllezërve Besmir dhe Viktor Haxhia.

Këta të fundit u vranë  më 27 prill, rreth orës 16:40 te tregu i makinave, në qytetin bregdetar të Durrësit.

Ata u qëlluan teksa po lëviznin me makinën e tyre tip “Golf”, ku u gjetën të pajetë brenda mjetit të tyre.

Për vrasjen e vëllezërve Haxhia deri më sot janë arrestuar Klevis Alla dhe Altin Ndoci.

LEXONI GJITHASHTU:

I dyshuar për grabitjen e miliona eurove në Rinas dhe vrasjen e vëllezërve Haxhia, 10 mijë euro shpërblim për kapjen e Talo Çelës

Vritet në një atentat në Elbasan vëllai i të shumëkërkuarit Talo Çela

Zbardhet vrasja e dy vëllezërve në Durrës, arrestohen autorët. Dy muaj më parë vranë 2 të rinj të tjerë