Vrasja që tronditi Suedinë, banda kriminale vret 39-vjeçarin në sy të fëmijës

Suedia është tronditur pas vrasjes së një shtetasi polak. “Një tjetër vijë e kuqe është kaluar”, ka qenë komenti i kryeministrit suedez. 39-vjeçari u qëllua për vdekje pasi u përball me anëtarët e një bande në Stokholm. Ngjarja ndodhi teksa ai po çonte djalin e tij 12-vjeçar në mësimin e notit.

“Të qëllosh për vdekje një person që nuk ka lidhje, në sytë e fëmijës së tij, është diçka e pashpirt që zor se mund të përshkruhet. Është një mizori e paimagjinueshme; është një sjellje çnjerëzore dhe kafshërore. Nuk mund ta lejojmë”, deklaroi Ulf Kristersson, kryeministër i Suedisë.

Autoritetet në Suedi përballen prej vitesh me luftërat e dhunshme të bandave, që arritën në një nivel të paprecedent vitin e kaluar. Ato luftojnë për kontrollin e tregut të drogës, duke përdorur bomba dhe armë zjarri për të mbrojtur territorin.

LEXONI GJITHASHTU:

• Policia aksion në Tiranë: Kapen mina me telekomandë, armë, dinamit dhe drogë
• Megaoperacion kundër trafikut të qenieve njerëzore, lëshohen rreth 26 urdhër-arreste