Vrasje e dyfishtë në Devoll të Korçës

Dy persona janë gjetur pajetë dhe me shenja dhune në trup në banesën e tyre në fshatin Progër të Devollit.

Policia thotë se viktimat janë Bukurie Bami, 60 vjeç dhe Fatmira Bami, 80 vjeç, nuse dhe vjehrrë.

Pak orë pas ngjarjes, policia ka mundur që të arrestojë autorin e dyshuar të vrasjes së dyfishtë.

Bëhet fjalë për Ali Zili, 36 vjeç, banues në Progër, fshat ku jetonin dhe dy gratë e vrara.

Nga hetimet paraprake mendohet se qëllimi i tij ka qenë grabitja.

Zili ka hyrë për të vjedhur në banesën e dy grave dhe kur ka hasur në rezistencën e tyre, i ka dhunuar me sende të forta duke u shkaktuar vdekjen.

Autori i dyshuar sipas policisë është me precedent të mëparshëm penal.