Vrasjet në Elbasan, Erion Alibej në GJKKO: Jam i gatshëm të flas, por…

Erion Alibej ka “qepur” gojën para Gjykatës së Posaçme Kundër Krimit të Organizuar në lidhje me vrasjen e Emiljano Ramazanit dhe Regis Runajt.

Procesi këtë të martë zhvillohej për këtë të fundit i cili u gjet i masakruar me thikë pranë varrezave të qytetit të Elbasanit në 2020.

Alibej ishte thirrur në cilësinë e dëshmitarit dhe të pandehurit, teksa i pyetur nga gjykata ai për herë të dytë tha se do të fliste, por në një moment tjetër.

“Jam i gatshëm të flas, por në një moment të dytë. Më ka ndodhur një problem familjar”.

Gjyqtarja i kujtoi të pandehurit se të njëjtin qëndrim ka mbajtur disa muaj më parë, por Alibej insistoi, se një problem familjar sapo i kishte ndodhur. Kërkesa e tij u pranua edhe nga prokurori që i tha gjykatës që t’i jepej mundësia të dëshmonte në një moment tjetër.

Përveç kësaj, në GJKKO, dhanë deklarimet e tyre edhe dy dëshmitar që kontatuan të parët trupin e pajetë të Regis Runajt. Latif e Mariglen Daka babë e bir, thanë se ishte djali i pari që kishte konstatuar trupin dhe kishte lajmëruar të atin, ndërsa ky i fundit ishte rikthyer me Mariglenin dhe pasi panë trupin, njoftuan policinë.

LEXONI GJITHASHTU

• ‘Shefi i vrasjeve u korruptua’, SPAK zbardh lidhjen mes policisë dhe Erion Alibej
• Vrasja e Emiljano Ramazanit, ish-oficeri Palushi kërkon ‘arrest shtëpie’