Vrau dy persona në ’97, dënohet me 23 vjet burg ish-polici

Gjykata e Tiranës vendosi të dënojë me 23 vite burg Tomorr Çelën, i akuzuar për vrasjen e 2 personave në vitin 1997 pas një debati për përplasjen e makinave.

Çela, ish-polic u ekstradua nga SHBA në 2 qershor të vitit 2022. Ai u kap nga policia amerikane pas kërkesës së autoriteteve shqiptare dhe u soll në Shqipëri me qëllim kryerjen e dënimit.

Pasi erdhi në Shqipëri ai kërkoi rigjykim, proces që konfirmoi dënimin e dhënë më herët ndaj tij.

Ngjarja ka ndodhur pas një përplasjeje me makinë. Çela ka vrarë Elton Danin dhe Ledian Hoxhën, në 27 nëntor të vitit 1997 në rrugën “Bajram Curri” në Tiranë dhe më pas u zhduk, por më vonë u ndalua në SHBA.