Vrau me thikë 40-vjeçarin në Babrru, lihet në burg Arlind Demushi

Gjykata Penale e Tiranës ka lënë në burgë, Arlind Demushin, autorin e vrasjes së 40 vjeçarit Hajdar Ismailgeci në zonën e Babrrusë.

Sipas raportimeve, autori i dyshuar nuk ka folur në seancë, por avokati i tij është shprehur se sherri ka qenë i momentit dhe se Arlind Demushi nuk ka patur për qëllim ta vriste 40 vjeçarin.

Sipas mbrojtjes nga avokati, Arlindi e ka goditur me thikë Ismailgecin në kushtet e tronditjes psikologjike, teksa shtoi se nuk qëndron akuza “vrasje me paramendim” pasi autori e ka mbajtur në shtëpi viktimën dhe se kanë patur relata të mira.

Në bazë të kësaj, gjykata nuk ka marrë parasysh pretendimet e avokatit duke caktuar masën “arrest në burg” ndaj autorit te dyshuar.

Ngjarja u shënua dy dite me parë, ku viktima u gjet i vrarë me thikë në anë të rrugës.

LEXONI GJITHASHTU:

• Gjykata liron një nga vëllezërit e dyshuar për dhunë ndaj policit në Tiranë