Një ngjarje e rëndë ka ndodhur në Tropojë, ku një 20-vjeçar ka mbetur i vrarë aksidentalisht me armë gjahu.
Policia bën me dije se si pasojë e plagëve të marra ka humbur jetën shtetasi E. H., 20 vjeç.
Bëhet e ditur se gjatë gjuetisë shtetasi G. N., dyshohet se aksidentalisht ka qëlluar me armë zjarri, shtetasin E. H., i cili për shkak të dëmtimeve ka humbur jetën, në një sipërfaqe pyjore, në vendin e quajtur “Përroi i Kepenekut”. Gjatë kontrollit në zonë është gjetur dhe është sekuestruar 1 armë zjarri pushkë gjysmë automatike dhe municion luftarak.
Shërbimet e Policisë shoqëruan në Komisariat, për veprime të mëtejshme, shtetasin G. N., 38 vjeç, banues në fshatin Viçidol, Tropojë dhe në përfundim të veprimeve të para u bë arrestimi i tij.
Në drejtimin e Prokurorisë po vijon puna për dokumentimin e rrethanave të kësaj ngjarjeje.
LEXONI GJITHASHTU:
- 17% më pak nxënës në shkolla/Faktorët ndikues, demografia, emigracioni e lindshmëria
- I dënuar me burg për kultivim kanabisi, arrestohet 46-vjeçari në Krujë
