17% më pak nxënës në shkolla/Faktorët ndikues, demografia, emigracioni e lindshmëria

Numri i nxënësve në shkollat e Korçës, Beratit dhe Elbasanit nga viti 2020 deri në 2023 ka ardhur në ulje. Këtë e ka bërë me dije drejtoresha e drejtorisë rajonale të arsimit parauniversitar në Korçë.

“Po të shohim të dhënat krahasuese nga 2020-2023 numri i përgjithshëm i nxënësve në arsimin parauniversitar, përfshirë dhe fëmijët e arsimit parashkollor ka pësuar rënie me 17%. 6% krahasuar një vit më parë”-Vinjola Rot, drejtoresha rajonale e arsimit parauniversitar në Korçë.

“Ne kemi shkollat të cilat numri i braktisjes shkollore është në nivel të lartë, puna është që të reduktojmë sadopak braktisjen shkollore. Numrin më të lartë të nxënësve braktises e kemi në ZVA Pustec”-shtoi ajo.

Por cilët janë faktorët e uljes së numrit të nxënësve në bankat e shkollës?

“Lëvizja demografike është numri një që ndikon ndjeshëm në këto raste. Sot kemi tendencë nga zonat periferike drejt Tiranës. Shumë çifte të reja që kanë fëmijë nën 10 vjeç, lëvizin drejt qendrës. Emigracioni, duhet të jemi koshiente se emigracioni është një epidemi sociale. Elementi i tretë është lindshmëria e ulët. Kemi tendencë të ulët, lindshmëria tkurret, sjell me pak nxënës dhe me pak studentë”-tha Maria Dojçe, sociologe.

Drejtoria Rajonale e Arsimit parauniversitar KORÇË shtrin juridiksionin e saj në të gjitha institucionet arsimore të qarqeve Korçë, Elbasan dhe Berat, duke pasur në përbërje 17 zyra vendore dhe 699 institucione arsimore në të gjitha nivelet, nga arsimi parashkollor deri në arsimin e mesëm të lartë.

LEXONI GJITHAHSTU: 

• 3 mld € kredi në 2023/ Në dhjetor u rrit me 435 mln €, kërkesë e shtuar nga biznesi
• SPAK jep detaje nga operacioni ndërkombëtar: U sekuestruan 5 milionë euro pasuri