Vuçiç: Barrikadat në Veri nuk i urdhëroi Beogradi

Presidenti i Serbisë, Aleksandër Vuçiç tha se “është i tronditur me deklaratat e disa zyrtarëve evropianë që kanë bërë thirrje për largimin e barrikadave”.

“Askush prej Beogradit nuk i ka urdhëruar barrikadat”, tha ai.

Vuçiç porositi serbët në veri se sulmet mbi misionin e NATO-s në Kosovë, KFOR, dhe atë të BE-së, EULEX, “nuk guxojnë të ndodhin”.

Ai tha se ka marrë garanci nga KFOR-i dhe Evropa se “nuk do të ndërmarrin veprime të dhunshme kundër demonstruesve”.

“Do të vazhdojmë të bisedojmë me ta”, tha Vuçiç.

Kryeministri i Kosovës, Albin Kurti, tha më herët se pret që KFOR-i t’i largojë barrikadat në veri.

Shtetet e Bashkuara bënë po ashtu thirrje për çmontimin e tyre.

LEXONI GJITHASHTU:

• Vuçiç apelon për ruajtjen e paqes: Nuk duhet të ketë sulme ndaj EULEX
• SHBA bën thirrje për heqjen e barrikadave në Veri