Vuçiç apelon për ruajtjen e paqes: Nuk duhet të ketë sulme ndaj EULEX

Pas mbledhjes së sotme të Këshillit të Sigurisë Kombëtare lidhur me tensionet e fundit në Kosovë, presidenti serb Aleksandër Vuçiç u bëri thirrje serbëve dhe shqiptarëve që të ruajnë paqen në veri të Kosovës.

Ai u bëri thirrje serbëve që të jenë të qetë dhe të mos bien në provokime, shkruan Euronews Serbia.

“Ne nuk kemi asnjë indikacion se ka pasur një sulm ndaj EULEX-it, por sulmet ndaj EULEX-it apo KFOR-it nuk duhet të ndodhin”, tha Vuçiç në një intervistë për RTS.

Ai tha se në seancën e Këshillit të Sigurisë Kombëtare janë analizuar të gjitha ngjarjet në Kosovë dhe aspekti ndërkombëtar i situatës në terren dhe perspektivat.

Vuçiç shtoi se jo vetëm që policia e Kosovës ishte në veri, e cila nuk ka të drejtë ta bëjë këtë, por edhe forcat e Prishtinës kanë pushtuar me njësi speciale, të cilat siç shtoi ai, shumë në bashkësinë ndërkombëtare bëjnë sikur nuk i shohin.

LEXONI GJITHASHTU:

• Lista Serbe: Të mos pengohen EULEX-i dhe KFOR-i në veri
• SHBA bën thirrje për heqjen e barrikadave në Veri