Vuçiç falënderon Ramën: S’do kishte Ballkan të Hapur pa vendosmërinë e tij

Kryeministri i Serbisë, Aleksandër Vuçiç në konferencën e përbashkët mes liderëve të vendeve pjesëmarrëse në Ballkanin e Hapur në Ohër falënderoi kryeministrin Rama të cilin e cilësoi lider të vërtetë.

Sipas Vuçiç, pa vendosmërinë dhe lidershipin e Ramës, edhe pse nën presion për të hequr dorë nga Ballkani i Hapur, kjo nismë rajonale nuk do të kishte vazhdimësi.

“Falënderoj Ramën që ka qenë konsistent dhe kur kemi qenë në presion nga anë të ndryshme dhe i është dashur të heqë dorë nga Ballkani i Hapur ka treguar lidership dhe vendosmëri. Si kryetar i Serbisë i kam borxh dhe falenderim të madh se pa fuqinë e tij Ballkani i Hapur nuk mund të vazhdonte. Falenderoj shqiptarët që vijnë në Serbi dhe ata në Shqipëri që i presin me ngrohtësi turistët serbë. Jam krenar për çfarë kemi bërë dhe do bëjmë”, tha Vuçiç.

Ditën e sotme në Ohër të Maqedonisë së Veriut u mbajt takimi i radhës i Ballkanit të Hapur, pjesë e të cilit u bë edhe Mali i Zi.

Tashmë, në këtë nismë do të jenë 4 shtete, Shqipëria, Maqedonia e Veriut, Serbia dhe Mali i Zi.

Ndërsa, kryeministri i Kosovës, Albin Kurti ka refuzuar ftesën e kryeministrit të Maqedonisë së Veriut, Dimitar Kovaçevski për të marrë pjesë në nismën Ballkani i Hapur.

LEXONI GJITHASHTU:

• VIDEO | Pengohet Rama në samitin e Ballkanit të Hapur në Ohër
• Përfaqësuesi i Bosnjës dhe Hercegovinës: S’kemi konsensus për Ballkanin e Hapur