Vuçiç me serbët e Kosovës: Koha për të treguar seriozitet dhe përgjegjësi si komb

“Është koha që ne si komb të tregojmë seriozitet dhe përgjegjësi dhe të ruajmë vatrat tona shekullore”.

Kështu u shpreh presidenti i Serbisë, Aleksandër Vuçiç pas takimit me serbët e Kosovës mbrëmjen e së hënës, shkruan N1.

“Unë u kërkova atyre të jenë të kujdesshëm, të jenë të qetë, të ruajnë paqen dhe stabilitetin dhe t’i përgjigjen arrogancës së njerëzve të tjerë ashtu siç përgjigjen gjithmonë njerëzit e denjë se ne thjesht duam të mbrojmë tonat dhe asgjë më shumë,” thesoi Vuçiç përmes një postimi në rrjetet sociale.

Vuçiç zhvilloi këtë takim për të diskutuar për tensionet e fundit në Kosovë, pasi kryeministri i Kosovës, Albin Kurti fillimisht refuzoi të shtyjë vendimin për ndëshkimin e drejtuesve që nuk i riregjistrojnë automjetet e tyre.

Ndërkohë, me ftesë të SHBA-së, ai megjithatë pranoi të shtyjë zbatimin e këtij vendimi për 48 orë, duke u shprehur se është i lumtur që do të punojë me SHBA-në dhe BE-në për të gjetur një zgjidhje në dy ditët e ardhshme.

LEXONI GJITHASHTU

• Kosova shtyn për 48 orë masën e vendosjes së gjobave për targat
• Serbët e jugut pranojnë targat, minoriteti serb: Po trajtohemi me dy standarde
• Reagimet pas dështimit të marrëveshjes Kurti-Vuçiç