BE dhe Ukraina po krijojnë një gjykatë speciale për Putinin dhe udhëheqësit e luftës

Vladimir Putin dhe zyrtarë të tjerë të rangut të lartë politikë dhe ushtarakë rusë mund të përballen me një gjykatë speciale të ngritur nga BE dhe Ukraina.

Komisioneri i Drejtësisë i BE-së Didier Reynders thotë se “dy opsione kryesore janë duke u shqyrtuar: një gjykatë ndërkombëtare e bazuar në një marrëveshje shumëpalëshe ose një zgjidhje e thjeshtuar e bazuar në një marrëveshje dypalëshe midis Ukrainës dhe Këshillit të Evropës”.

Gjithashtu, do të krijohet një mekanizëm i veçantë për transferimin e çështjeve nga gjykatat ukrainase në këtë gjykatë të re. Holanda ka shprehur gatishmërinë për të pritur gjykatën, përveç Qendrës Ndërkombëtare për Ndjekjen e Krimeve të Agresionit kundër Ukrainës (ICPA), e cila tashmë është funksionale.

Reynders beson se krijimi i gjykatës është hapi i fundit:

“Hapi i ardhshëm është çështje e vullnetit politik. Ai do të fillojë vetëm në fillim të vitit të ardhshëm dhe deri në fund të vitit mund të jetë realitet”.

LEXONI GJITHASHTU:

• Artisti serb viziton Putin, i thur lavde për luftën në Ukrainë
• Putin nënshkruan dekretin për rekrutimin e 150 mijë ushtarëve