Presidenti serb Aleksandar Vuçiç viziton këtë të Mërkurë Ukrainën, në atë që shënon udhëtimin e tij të parë atje pasi ka pranuar ftesën e Presidenti ukrainas Volodymyr Zelensky.

Gjatë vizitës njëditore, është planifikuar që Vuçiç të marrë pjesë në Samitin Ukrainë–Evropë Juglindore në Odesa, njoftoi Zyra e Presidentit të Serbisë.

Sipas burimeve politike evropiane të Euronews, pjesëmarrja e Vuçiçit në samitin në Odesa dhe simbolika e tij duhet të çojë në rihapjen dhe përshpejtimin e kapitujve të zgjerimit të Serbisë në BE nga Bruksel dhe po ashtu sinjalizon ripozicionimin e Serbisë me BE-në në lidhje me pushtimin në shkallë të plotë të Ukrainës nga Rusia.

Në këtë kontekst, si një gjest ndaj Serbisë, Ukraina nuk e ftoi Kosovën në samit, thanë të njëjtat burime për Euronews.

Serbia është pozicionuar si neutrale kur bëhet fjalë për luftën e Rusisë kundër Ukrainës, por vizita e fundit e Vuçiçit në Moskë për paradën e Ditës së Fitores të presidentit rus Vladimir Putin shkaktoi kritika të ashpra nga Brukseli lidhur me përpjekjen e Serbisë për anëtarësim në BE.

Brukseli lëshoi një paralajmërim të ashpër, duke treguar se vizita e Vuçiçit në Moskë do të shkelte kriteret e anëtarësimit në BE dhe potencialisht do të dëmtonte procesin e pranimit të Serbisë në bllokun me 27 anëtarë.

Sipas burimeve politike evropiane të Euronews, pjesëmarrja e Vuçiçit në samitin në Odesa dhe simbolika e tij duhet të çojë në rihapjen dhe përshpejtimin e kapitujve të zgjerimit të Serbisë në BE nga Brukseli.

Në këtë kontekst, si një gjest ndaj Serbisë, Ukraina nuk e ftoi Kosovën në samit, thanë të njëjtat burime për Euronews.

Rusia akuzoi Serbinë për armatosjen e Ukrainës

Kohët e fundit, Rusia akuzoi Serbinë për eksportimin e armëve në Ukrainë, duke e quajtur këtë një “thikë pas shpine” nga një prej aleatëve më të vjetër evropianë të Moskës.

Shërbimi i Inteligjencës së Jashtme Ruse (SVR) lëshoi një deklaratë ku pretendonte se “ndërmarrjet serbe të mbrojtjes, në kundërshtim me ‘neutralitetin’ e deklaruar nga Beogradi zyrtar, vazhdojnë të furnizojnë me municion Kievin”.

Deklarata pretendonte se eksporti i armëve serbe në Ukrainë po bëhej nëpërmjet ndërmjetësve të NATO-s, “kryesisht Republikës Çeke, Polonisë dhe Bullgarisë”.

“Kohët e fundit, për këtë qëllim janë përdorur edhe opsione ekzotike që përfshijnë shtetet afrikane”, tha SVR.

Vuçiç i mohoi akuzat, duke thënë se megjithëse ekziston një kontratë me Republikën Çeke, ajo nuk lejon eksportimin e materialeve të prodhuara në Serbi në një vend tjetër.

Ai deklaroi gjithashtu se Moska dhe Beogradi do të krijonin një “grup pune” për të përcaktuar se si armët e prodhuara në Serbi arritën në Ukrainë.

Samiti Ukrainë-Evropë Juglindore në Odesa do të mbledhë përfaqësues nga 12 vende të Evropës Juglindore.

Midis tyre është presidenti rumun Nicusor Dan, i cili po bën udhëtimin e tij të parë në Ukrainë që nga fitorja në zgjedhjet e majit.

Rusia e ka shënjestruar rregullisht qytetin portual të Odesës në sulme me raketa dhe dronë.

Të martën, dy persona u vranë pasi sulmet me dronë goditën ndërtesa banimi dhe objekte mjekësore, përfshirë një repart materniteti, thanë zyrtarët.

Presidenti ukrainas Volodymyr Zelensky më vonë tha se 13 persona ishin plagosur gjithashtu atje.

LEXONI GJITHASHTU:

• Moska dhe Kievi do fillojnë shkëmbimet e të burgosurve të plagosur më 12 qershor
• “Kusht formimi i Asosacionit”, i dërguari i Vuçiç flet për takimin në Bruksel