Vulin nga Moska mesazh BE-së: I gabuar dhe i kotë tentimi për izolimin e Rusisë

“Është i gabuar dhe i kotë tentimi për izolimin e Rusisë, pasi ky shtet për nga territori është më i madhi në botë”. Kështu ka deklaruar ministri i Punëve të Brendshme të Serbisë, Aleksandar Vulin, gjatë një takimi me sekretarin e Këshillit të Sigurisë së Rusisë, Nikolai Petrushev, në Moskë.

Ministri serb nënvizoi se përjashtimi i Rusisë nga organizatat ndërkombëtare, veçanërisht nga organizatat sikurse Interpol-i “do të ishte i dëmshëm dhe se një akt i tillë do të linte hapësirë vetëm për forcimin dhe zhvillimin e mëtejmë të krimit”.

Gjatë vizitës dyditore në Moskë, Vulin u takua me kryediplomatin rus, Sergei Lavrov dhe pas takimit ai u shpreh se serbia është i vetmi shtet në Evropë që nuk ka vendosur sanksione ndaj Rusisë dhe nuk është bërë pjesë e histerisë anti-ruse.

Ndërkohë raportuesi për Serbinë në Parlamentin Evropian, Vladimir Bilçiç, shkroi më 23 gusht në Twitter se kur një anëtar i Qeverisë serbe dërgon mesazhe anti-BE gjatë vizitës zyrtare në Moskë, të gjithë në Evropë e shohin këtë gjë.

LEXONI GJITHASHTU:

• Dodik: Serbët s’kanë arsye t’u besojnë perëndimorëve
• Lajçak sot në Kosovë, takime me krerët e qeverisë dhe opozitën
• Osmani pas takimit me Escobar: Kosova do vazhdojë të jetë palë e barabartë në dialog