“Vullnet për zgjerimin e BE”, Von der Leyen: Kushti për një Evropë më të sigurt

Kryetarja e Komisionit Evropian Ursula Von der Leyen e pranishme në Forumi Strategjik i Bledit në Slloveni u shpreh se zgjerimi i Bashkimit Evropian me Ballkanin Perëndimor është prioritet për të pasur një Evropë të sigurt përballë agresionit rus.

Von der Leyen nënvijëzoi faktin se BE ka nisur bisedimet e anëtarësimit me Shqipërinë  e RMV dhe Bosnja dhe Hercegovina mund të jetë e radhës.

“Një BE më e madhe na jep një zë më të madh në botë në kohën e konflikteve rajonale, na jep një treg më të madh, zgjerimi është në investim në forcën dhe sigurinë tonë kolektive, duam një Evropë të fortë e të sigurt dhe nëse duam këtë kjo përfshin Ballkanin Perëndimor, Ukrainën e Moldavinë. Ne kemi nisur bisedimet e anëtarësimit me Shqipërinë e RMV, Bosnja mund të jetë e radhës. Ishte ky arsyetim që na shtyu të rikonceptonim dhe të dilnim me idenë e një integrimi gradual. Tirana është aeroporti me rritjen më të shpejtë në Evropë, Kosova… reformat ekonomike të saj janë lëvduar nga FMN dhe po sjellin përfitime ekonomike, deri në fund të vitit 3 prej jush mund të bëhen pjesë e hapësirës së përbashkët të pagesave”, tha Von der Leyen.

LEXONI GJITHASHTU:

• BE e konsideron prioritet rundin e ri të dialogut Kosovë-Serbi
• Von der Leyen sulmon politikanët që hedhin fajin te Ukraina për luftën me Rusinë