Xhaçka njofton sanksionet e Shqipërisë ndaj Rusisë

Ministrja e Jashtme Olta Xhaçka prezantoi sanksionet e marra nga Shqipëria për Rusinë, pasi kjo e fundit po sulmon ushtarakisht Ukrainën prej 4 ditësh.

Xhaçka tha se Shqipëria iu është bashkuar masave shtrënguese të Bashkimit Evropian ndaj Rusisë, përfshirë ngrirjen e aseteve bankare.

“Këto masa kanë karakter individual dhe ekonomik”, sqaroi ministrja.

Sanksionet e Shqipërisë ndaj Rusisë:

• Shkrirje e aseteve bankare të 654 individëve, nisur nga Putini, si edhe të 56 subjekteve.
• Sanksione ekonomike që përfshijnë masa kufizuese në financë, energji, transport dhe teknologji.
• Shqipëria mbyll hapësiren ajrore për kompanitë ajrore ruse.
• Shqiperia nuk do të luajë asnjë ndeshje sportive kundër Kombetares së Rusise, me të cilën Shqipëria kishte një ndeshje të programuar në qershor të 2022.
• Nuk do të lejohen të hyjnë në Shqiperi personat e listuar nga BE.

Xhaçka tha se po hartohet baza ligjore për zbatimin e këtyre masave shtrënguese, ndërsa rezoluta e propozuar nga Shqipëria do të votohet për t’u diskutuar në Asamblenë e Përgjithshme.

Ajo njoftoi po ashtu se po punohet për t’i ofruar Ukrainës ndihma spitalore dhe ushtarake.