Xhaçka takon ministrin Dendias në Athinë: Diskutim konstruktiv mes dy vendeve

Ministrja e Punëve të Jashtme, Olta Xhaçka ndodhet sot në Athinë, ku ka zhvilluar një takim me homologun e saj Nikos Dendias.

Në një postim në Twitter, Xhaçka shprehet se Shqipëria dhe Greqia patën një diskutim konstruktiv për të gjitha aspektet e marrëdhënieve tona.

“Athinë, kënaqësi të takoja homologun tim Ministrin e Punëve të Jashtme të Greqisë, Nikos Dendias. Shqipëria dhe Greqia patën një diskutim konstruktiv për të gjitha aspektet e marrëdhënieve tona. Mirënjohje Ministrit Dendias për rolin e tij në thellimin dhe zgjerimin e partneritetit midis dy vendeve tona dhe mbështetjen për integrimin e Shqipërisë  dhe Ballkanit Perëndimor në BE. Ndamë të njëjtin vizion dhe dëshirë për të ardhmen e marrëdhënieve tona dhe të rajonit në tërësi dhe jemi të përkushtuar të punojmë ngushtë së bashku në gjetjen e mënyrave të reja për t’u angazhuar në mënyrë konstruktive për të mirën e popullit tonë dhe të rajonit”, shkruan ministrja në një postim në rrjetet sociale.

LEXONI GJITHASHTU:

• Blinken: Nëse Putin dëshiron, lufta mund të përfundojë nesër
• Gazetarja: Ish-vjehrra e ka kërcënuar 35 vjeçaren, do ta marr fëmijën i thoshte
• Gjenetika e kancerit, Xhetani: Po synohet që çdo individ të trajtohet sipas gjeneve