Gazetarja: Ish-vjehrra e ka kërcënuar 35 vjeçaren, do ta marr fëmijën i thoshte

Gazetarja Arbëreshë Uka ka dhënë detaje në lidhje me vrasjen e 35-vjeçaren në Kosovë Hamide Magashi, e cila ishte shtatzënë.

E ftuar në emisionin “Good Morning Albanians” në Euronews Albania, ajo tha se të renë e ka kërcënuar dhe vjehrra duke i thënë se pasi të lindte fëmijën do e mbante shtëpia e  burrit dhe jo e ëma.

“Ish-vjehrra ka shkuar dhe në klinikë me i bo presion sepse ata kanë pasur një marrëveshje që në momentin që do lindë fëmijën do e marrin familja e ish-burrit të saj.  Kështu ka thënë motra e madhe e vajzës. Kjo është e dhimbshme. Nuk e di nëse do e kishin lënë ta shihnin fëmijën nëse vikti ma do të ishte gjallë”- tha ajo.

Mbrëmjen e së mërkurës Sokol Halili vrau ish-bashkëshorten e tij shtatzënë në oborrin e Klinikës së Gjinekologjisë në Prishtinë. Gruaja, siç është raportuar, do të sillte në jetë fëmijën brenda këtyre ditëve.

Policia e Kosovës ka kërkuar nga qytetarët informacione, të cilat do të ndihmonin në arrestimin e autorit, i cili ende ndodhet në arrati.

LEXONI GJITHASHTU: 

• Certifikata false për xhama të zinj, arrestohen 6 persona, ndër ta 4 zyrtarë
• Vishaj: Vrasësin e shtatzënës pret burgimi i përjetshëm sado që të arratiset