Xhelal Mziu dorëhiqet si kryetar i degës së PD: Kandidoj për Bashkinë Kamëz

Xhelal Mziu ka dhënë dorëheqjen nga drejtimi i degës së PD Kamëz.

Vetë ish-kryebashkiaku i Kamzës e konfirmoi për Euronews Albania lajmin.

Burime nga PD bëjnë me dije se ky vendim i Mziut lidhet me garën e brendshme në parti, ku sipas një udhëzimi të nxjerrë nga kryesia e PD-së, kandidatët për kryetarë bashkie dhe ata për deputetë duhet të propozohen nga anëtarësia e demokratëve.

I njëjti udhëzim i ndalon kryetarët dhe sekretarët e degëve të propozohen si kandidatë në zgjedhjet e brendshme, për të shmangur ndikimin që ata kanë.

Në rast se duan të kandidojnë duhet të japin më parë dorëheqjen nga këto funksione.

Ditën e sotme Mziu ka zhvilluar një takim me kreun e PD Lulzim Basha të cilit i ka komunikuar vendimin e tij për dorëheqje nga drejtimi i degës së Partisë Demokratike në Kamëz.

Mziu nuk ka shprehur ambicien për të kandiduar si deputet, por emri i tij duhet të propozohet nga baza, proces që duhet të përfundojë brenda shtatorit 2020.

Më parë kanë dhënë dorëheqjen Luan Baçi, kreu i PD Fier dhe Andrea Mano, kreu i PD dega Korçë.