Gazetari Albi Xhunga tha në një intervistë për Euronews Albania se Sali Berisha nuk po goditet as nga Edi Rama, as nga SPAK, por nga Shtetet e Bashkuara të Amerikës.
Sipas tij SPAK-u ka mbështetjen e SHBA-së dhe për këtë arsye i është vënë pas faktorëve më të rëndësishëm politikë në Shqipëri, ndryshe diçka e tillë nuk do të ishte e mundur.
“Nuk po e godet SPAK-u, natyrisht nuk po e godet as Edi Rama. Po e godet SHBA-ja sepse po të shikojmë, SPAK deri më sot ka goditur Rilindjen dhe Sali Berishën, por këta dy faktorë na rezultojnë që janë dhe faktorët më të rëndësishëm politikë në Shqipëri, që do të thotë këta dy faktorë kanë sot në Parlamentin e Shqipërisë shumicë kushtetuese, pra shumicë të cilësuar dhe po të ishte për SPAK-un, Sali Berisha dhe Edi Rama mblidhnin parlamentit, atë që u bë në 2016-tën e zhbënin sot dhe e flaknin SPAK-un në Lanë. Pra, këta sot po i godet SPAK-u sepse është i mbështetur nga Shtetet e Bashkuara të Amerikës,” – u shpreh Xhunga.
LEXONI GJITHASHTU:
- Berisha si Napoleoni në betejën e Waterloo| Xhunga: Është i humbur politikisht
- Berisha në gjyq? Qafoku: Ngjarja më e rëndësishme e 33 viteve të fundit
