Zbardhet kërkesa e PS, kush janë deputetët demokratë që kërkohet të “ndëshkohen”

Partia Socialiste kërkon marrjen e masave për deputetët e opozitës që një ditë më parë bllokuan votimin e projektligjeve në parlament.

Deputetët e Partisë Demokratike që bllokuan votimin në seancë parlamentare të së enjtes do të përballen me masa disiplinore nga Komisioni i Etikës.

Partia Socialiste nuk ka humbur kohë dhe këtë të premte ka kërkuar marrjen e masave nga Kuvendi për deputetët e pakicës parlamentare që nuk mundësuan votimin e projektligjeve në rendin e ditës.

Në shkresën dërguar Komisionit të Etikës, kërkohet marrja e mases disiplinore ndaj deputetëve Elda Hoti, Albana Vokshi, Bledion Nallbati, Zheni Gjergji, Lefter Gështenja, Asllan Dogiani, Luan Baçi dhe Gazmend Bardhi.

Në momentin e votimit, deputetët e mësipërm me në krye Gazment Bardhin bllokuan foltoren e Kuvendit, vendet e uljes së ministrave dhe foltoren e folësve.

Shkak për këtë ishte kërkesa e Gazment Bardhit për të votuar në rendin e ditës ndryshimet në përbërjen e komisionit të posacëm të reformës zgjedhore, gjë e cila u kundështua nga shumica qeverisëse.

LEXONI GJITHASHTU:

• PS, kërkesë te Komisioni i Etikës: Të merren masa për deputetët që bllokuan votimin
• Rusia shqyrton revokimin e ratifikimit të traktatit që ndalon testimet bërthamore