Mediat greke kanë zbardhur identitetin e shqiptarëve të arrestuar gjatë operacionit të policisë greke ku u kapën 320 kg kokainë në portin e Pireut që kishte si destinacion Shqipërinë.
Ata janë Jasona Mërkuri 54 vjeç, Marsel Stafaj 36 vjeç dhe shtetasi greku Ioannis Biglakis 64 vjeç.
Jasona Mërkuri rezulton i shpallur në kërkim nga policia greke prej marsit 2017, si financues dhe organizator i një laboratori të drogave sintetike Captagon, ku gjatë operacionit të policisë u sekuestruan 634 mije e 246 tableta dhe u arrestuan disa persona mes të cilëve kunati i tij.
Ai përdor dhe identitetet Andrea Mërkuri dhe Azdren Muharremi. Mërkuri rezulton biznesmen në Shqipëri, pronar dyqanesh me rroba, ndërkohë rezulton pronar edhe i një autobusi turistik.
Në vitin 2008 me automjetin e tij është arrestuar nga policia turke kunati i tij, në tentativë për të trafikuar 22 kg heroinë nga Turqia në Greqi.
LEXONI GJITHASHTU:
- Biznesmen në Shqipëri, kush është 54-vjeçari i kapur me 320 kg kokainë në Greqi
- Kapet me 8 kg kokainë në makinë, arrestohet 22-vjeçari shqiptar në Francë
