Biznesmen në Shqipëri, kush është 54-vjeçari i kapur me 320 kg kokainë në Greqi

Zbulohen të tjera detaje që kanë të bëjnë me shqiptarin e arrestuar sot në lidhje me sasinë prej 320 kg kokainë e kapur në portin e Pireut në Greqi.

Shqiptari mësohet se njihet me emrin “Andrea”, ndërkohë që identirti i tij është Jasona Mërkuri. Ai rezulton biznesmen në Shqipëri, pronar i disa dyqaneve me rroba, ndërkohë që disponon dhe një autobus turistik.

Ai konsiderohet kreu i grupit që u kap me drogë në 2017, ndërkohë që në atë operacion atëherë u arrestua edhe vëllai i bashkëshortes së tij, sot 40 vjeç. Shqiptari i arrestuar sot është 54 vjeç

Burime policore bëjnë me dije se shtetasi shqiptar i arrestuar sot, rezulton se më parë ka përdorur për të hyrë në Greqi edhe pasaportë serbe, e vërtetuar kjo gjatë hetimeve të vitit 2017. Gjithashtu, me automjetin e këtij shtetasi, në vitin 2008 është arrestuar nga policia turke kunati i tij duke transportuar 22 kg heroinë nga Turqia për në Greqi. Pas daljes nga burgu, kunati i Andreas është arrestuar sërish gjatë operacionit të 2017.

LEXONI GJITHASHTU:

• Mashtronte të moshuarit në Greqi, si shqiptari u mori mijëra euro e monedha floriri
• Kapen 320 kg kokainë në Portin e Pireut me destinacion Shqipërinë, pranga shqiptarit