Mini-Shengeni Ballkanik merr emrin e ri Open Balkan

Burime për Euronews Albania zbulojnë se emri i ri i mini-Shengenit Ballkanik do të jetë “Open Balkan”.

Argumenti pas emrit lidhet me mundësinë që u ofrohet edhe vendeve të tjera të bëhen pjesë.

Ky emërtim lidhet dhe me deklaratën e presidentit Vuçiç i cili tha se në 1 janar 2023, pas plotësimit të disa kushteve nuk do të ketë kufij mes Shqipërisë, Maqedonisë së Veriut dhe Serbisë.

Gazetari i Euronews Albania, Benjamin Arifi raportoi mëngjesin e të enjtes se pritej që emri i ri të ishte një term ekonomik.

Ndërkaq në Forumin Ekonomik të Shkupit, i cili ka bërë bashkë liderët e Shqipërisë, Maqedonisë së Veriut dhe Serbisë pritet që të merren sot tre vendime:

• Krijimi i një tregu të përbashkët të punës mes tre vendeve;
• Liberalizim i qarkullimit të mallrave, nuk do të hiqet tërësisht doganat, por do të ketë lehtësime të mëdha;
• Ndihmë të përbashkët mes tre vendeve për katastrofat natyrore.

LEXONI GJITHASHTU: 

• Rama nga Shkupi: Bashkimi rajonal na afron më shumë me BE
• Zaev: Në Shkup po fryn sot një erë e re e bashkimit rajonal
• Në 2023 nuk do të ketë kufij mes Shqipërisë-RMV-Serbisë, thotë Vuçiç