Zbulohet një tjetër varr masiv pranë Kievit

Një varr me disa dhjetëra trupa të civilëve ukrainas u gjet në Buzova, një fshat i çliruar pranë kryeqytetit Kiev, i cili ka qenë nën pushtimin rus prej javësh, tha sot një zyrtar lokal.

Taras Didih, kreu i komunitetit Dmitrivka, i cili bashkon Buzova dhe disa fshatra aty pranë, i tha televizionit ukrainas se trupat u gjetën në një kanal pranë një stacioni karburanti dhe se numri i të vdekurve ende nuk është përcaktuar, raporton Reuters.

Ushtria ruse e kishte pushtuar zonën për javë të tëra ndërsa rrethonte kryeqytetin ukrainas.

Ka pasur një dënim ndërkombëtar të Moskës për krimet e dyshuara të luftës. Moska mohon të ketë shënjestruar civilët.

LEXONI GJITHASHTU:

• Boris Xhonson vizitë surprizë në Kiev, takon Zelenskin
• 176 fëmijë të vrarë nga forcat ruse sipas prokurorisë në Ukrainë