Zbulohet piktura e humbur nga studio e Botticelli-t

Pas më shumë se 10 vjetësh, piktura e gjetur në kishën e Saint Félix të Luginës së Loire është konfirmuar se daton nga epoka e Rilindjes dhe është një kryevepër e humbur e Sandro Botticelli-t.

E varur për herë të parë në këtë kishë në shekullin e 19-të, piktura mbeti e paedituar deri në vitin 2010, kur kuratori Matteo Gianeselli e vuri re gjatë një inventari të veprave italiane në ndërtesat publike të Francës.

Ai ngriti pyetjen nëse ajo mund të ishte një punë e studio së Botticelli-t.

Kjo pikturë, që përshkruan Virgjëreshën Mari me foshnjën Jezus dhe Shën Gjon Pagëzorin, është një kopje e veprës së njohur të artistit, e krijuar midis viteve 1490 dhe 1495.

Fillimisht, anëtarët e kishës besonin se ajo ishte një kopje e shekullit të 19-të, por testet e bëra nga Qendra për Kërkimin dhe Restaurimin e Muzeve të Francës, përfshirë mikro-mostrat dhe analizat me rreze X, zbuluan se ajo daton rreth vitit 1510.

Analizat sugjerojnë se piktura është realizuar në studion e Botticelli-t nga disa artistë të tjerë, me mjeshtrin që mund të ketë kontribuar në detaje kyçe, si fytyra e Virgjëreshës Mari, e cila tregon një përpikëri të veçantë.

Duke pasur parasysh se Botticelli vdiq në vitin 1510, është e vështirë të përcaktohet saktësisht se sa nga kjo pikturë i përket tij.

Ky zbulim jo vetëm që ndriçon një aspekt të ri të krijimtarisë së Botticelli-t, por gjithashtu thekson rëndësinë e ruajtjes dhe hulumtimit të veprave artistike të së kaluarës.

LEXONI GJITHASHTU:

• Çelet ekspozita e 85 artistëve të shek.XX, mes tyre dhe piktura e kryeministrit Rama
• Vizatimi më i vjetër në botë, shkencëtarët zbulojnë pikturën 51.200 vjeçare