Zëdhënësi i qeverisë gjermane: Targat të mos e pengojnë dialogun

Zëdhënësi i qeverisë gjermane, Steffen Hebestreit, bën thirrje që situata për targat të mos e pengojë dialogun e normalizimit në mes të Kosovës dhe Serbisë.

“Qeveria gjermane është e zhgënjyer që kryeministri i Kosovës, Kurti, dhe presidenti i Serbisë, Vuçiç, nuk arritën të hënën të bien dakord për një zgjidhje të krizës aktuale”, tha ai të mërkurën pasdite në konferencën e rregullt për shtyp të qeverisë gjermane, duke iu përgjigjur kështu një pyetjeje të Deutsche Welles.

Ai ka kërkuar të gjendet një zgjidhje për targat ilegale, shkruan KlanKosova.

Hebestreit më tej vuri në dukje domosdoshmërinë e arritjes sa më shpejt të një marrëveshjeje në dialog.

“Përshkallëzimi aktual tregon edhe një herë se sa urgjent është progresi ndërmjet Kosovës dhe Serbisë për të arritur një marrëveshje gjithëpërfshirëse mes dy shteteve,” – u shpreh ai.

LEXONI GJITHASHTU:

• Kosova nis procedurat e aplikimit për anëtarësim në BE
• Sot takimi i parë i Komisionit Ekzekutiv për Anëtarësimin e Kosovës në BE